ਪ੍ਰੀਟੀ ਢਿੱਲੋਂ : ਕੈਨੇਡਾ ਤੋਂ ਪੰਜਾਬ ਤੱਕ ਦਾ ਸ਼ਾਨਦਾਰ ਸਫ਼ਰ
 |
Preeti Dhillon |
ਕੈਨੇਡਾ ਦੀ ਧਰਤੀ ਤੋਂ ਉੱਠਿਆ ਪੰਜਾਬੀ ਸਿਤਾਰਾ
ਵੈਨਕੂਵਰ, ਕੈਨੇਡਾ ਵਿਚ ਜੰਮੀ ਅਤੇ ਪਲੀ ਪ੍ਰੀਟੀ ਢਿੱਲੋਂ ਨੇ ਆਪਣੀ ਜ਼ਿੰਦਗੀ ਦੀ ਸ਼ੁਰੂਆਤ ਤੋਂ ਹੀ ਕੁਝ ਵੱਖਰਾ ਅਤੇ ਵਿਲੱਖਣ ਕਰਨ ਦੇ ਸੁਪਨੇ ਸਜਾਏ ਸਨ। ਪੱਛਮੀ ਦੇਸ਼ ਵਿਚ ਵੱਡੇ ਹੋਣ ਦੇ ਬਾਵਜੂਦ ਉਸ ਨੇ ਆਪਣੇ ਪੰਜਾਬੀ ਵਿਰਸੇ ਨਾਲ ਡੂੰਘਾ ਨਾਤਾ ਕਾਇਮ ਰੱਖਿਆ। ਉਸ ਦੀਆਂ ਅੱਖਾਂ ਵਿਚ ਇੱਕ ਵੱਖਰੀ ਚਮਕ ਅਤੇ ਚਿਹਰੇ ਉੱਤੇ ਇੱਕ ਅਜਿਹਾ ਨੂਰ ਹੈ ਜੋ ਕਿਸੇ ਨੂੰ ਵੀ ਆਪਣੇ ਵੱਲ ਖਿੱਚ ਲੈਂਦਾ ਹੈ। ਇਹੀ ਖਿੱਚ ਅਤੇ ਇਹੀ ਪ੍ਰਤਿਭਾ ਉਸ ਨੂੰ ਫੈਸ਼ਨ ਦੀ ਦੁਨੀਆ ਵੱਲ ਲੈ ਗਈ।
ਫੈਸ਼ਨ ਅਤੇ ਮਾਡਲਿੰਗ ਦੀ ਦੁਨੀਆ ਵਿਚ ਕਦਮ
ਪ੍ਰੀਟੀ ਢਿੱਲੋਂ ਨੇ ਕੈਨੇਡਾ ਦੀ ਫੈਸ਼ਨ ਇੰਡਸਟਰੀ ਵਿਚ ਪੈਰ ਰੱਖਿਆ ਅਤੇ ਬਹੁਤ ਹੀ ਘੱਟ ਸਮੇਂ ਵਿਚ ਆਪਣੀ ਵੱਖਰੀ ਪਛਾਣ ਬਣਾ ਲਈ। ਫੈਸ਼ਨ ਸ਼ੋਆਂ ਵਿਚ ਉਸ ਦੀ ਭਾਗੀਦਾਰੀ ਨੇ ਉਸ ਨੂੰ ਇੱਕ ਵੱਖਰਾ ਮੁਕਾਮ ਦਿਵਾਇਆ। ਉਸ ਦੀ ਸੁੰਦਰਤਾ, ਸ਼ਖ਼ਸੀਅਤ ਅਤੇ ਆਤਮਵਿਸ਼ਵਾਸ ਨੇ ਸੁੰਦਰਤਾ ਮੁਕਾਬਲਿਆਂ ਵਿਚ ਵੱਡੇ-ਵੱਡੇ ਇਨਾਮ ਜਿੱਤਣ ਵਿਚ ਅਹਿਮ ਭੂਮਿਕਾ ਨਿਭਾਈ। ਮਾਡਲਿੰਗ ਦੇ ਖੇਤਰ ਵਿਚ ਉਸ ਨੇ ਜੋ ਨਾਮਣਾ ਖੱਟਿਆ, ਉਸ ਨੇ ਸਾਬਤ ਕੀਤਾ ਕਿ ਪੰਜਾਬਣ ਕੁੜੀਆਂ ਦੁਨੀਆ ਦੇ ਕਿਸੇ ਵੀ ਮੰਚ ਉੱਤੇ ਆਪਣਾ ਲੋਹਾ ਮਨਵਾਉਣ ਦੇ ਸਮਰੱਥ ਹਨ।
ਇਸ ਤੋਂ ਇਲਾਵਾ ਪ੍ਰੀਟੀ ਢਿੱਲੋਂ ਨੇ ਅਨੇਕਾਂ ਪੰਜਾਬੀ ਗੀਤਾਂ ਦੀਆਂ ਵੀਡੀਓਜ਼ ਵਿਚ ਮਾਡਲਿੰਗ ਕੀਤੀ ਅਤੇ ਆਪਣੀ ਅਦਾਕਾਰੀ ਨਾਲ ਲੱਖਾਂ ਦਰਸ਼ਕਾਂ ਦੇ ਦਿਲਾਂ ਉੱਤੇ ਰਾਜ ਕੀਤਾ। ਪੰਜਾਬੀ ਸੰਗੀਤ ਜਗਤ ਵਿਚ ਉਸ ਦੀ ਮੌਜੂਦਗੀ ਨੇ ਉਸ ਨੂੰ ਪੰਜਾਬੀ ਦਰਸ਼ਕਾਂ ਦੇ ਦਿਲਾਂ ਦੀ ਧੜਕਣ ਬਣਾ ਦਿੱਤਾ।
‘ਦੋ ਪਲ ਵਿਦ ਪ੍ਰੀਟੀ’: ਪੰਜਾਬੀਅਤ ਦਾ ਨਵਾਂ ਦਰਵਾਜ਼ਾ
ਪ੍ਰੀਟੀ ਢਿੱਲੋਂ ਦੀ ਸ਼ਖ਼ਸੀਅਤ ਦਾ ਸਭ ਤੋਂ ਚਮਕਦਾ ਪਹਿਲੂ ਇਹ ਹੈ ਕਿ ਉਸ ਨੇ ਕੈਨੇਡਾ ਵਰਗੇ ਵਿਕਸਤ ਦੇਸ਼ ਦੀ ਆਰਾਮਦਾਇਕ ਜ਼ਿੰਦਗੀ ਛੱਡ ਕੇ ਆਪਣੀ ਜੱਦੀ ਧਰਤੀ ਪੰਜਾਬ ਵੱਲ ਮੂੰਹ ਕੀਤਾ। ਪੰਜਾਬੀ ਸਭਿਆਚਾਰ ਨੂੰ ਹੋਰ ਉੱਚਾ ਚੁੱਕਣ ਅਤੇ ਪ੍ਰਫੁੱਲਿਤ ਕਰਨ ਲਈ ਉਸ ਨੇ ਚੰਡੀਗੜ੍ਹ ਵਿਖੇ ‘ਦੋ ਪਲ ਵਿਦ ਪ੍ਰੀਟੀ’ ਨਾਮੀ ਲਾਈਵ ਸ਼ੋਅ ਦੀ ਸ਼ੁਰੂਆਤ ਕੀਤੀ।
ਇਹ ਸ਼ੋਅ ਕੇਵਲ ਇੱਕ ਮਨੋਰੰਜਨ ਪ੍ਰੋਗਰਾਮ ਨਹੀਂ, ਬਲਕਿ ਪੰਜਾਬੀ ਕਲਾ, ਸੱਭਿਆਚਾਰ ਅਤੇ ਭਾਵਨਾਵਾਂ ਦਾ ਇੱਕ ਜ਼ਿੰਦਾ ਦਸਤਾਵੇਜ਼ ਹੈ।
ਇਸ ਸ਼ੋਅ ਵਿਚ ਪੰਜਾਬੀ ਫਿਲਮ ਜਗਤ ਦੇ ਨਾਮੀ ਅਦਾਕਾਰਾਂ ਤੋਂ ਇਲਾਵਾ ਸੰਗੀਤਕਾਰਾਂ, ਕਵੀਆਂ ਅਤੇ ਹੋਰ ਕਲਾਕਾਰਾਂ ਨਾਲ ਖੁੱਲ੍ਹੀਆਂ ਅਤੇ ਦਿਲਚਸਪ ਗੱਲਾਂਬਾਤਾਂ ਕੀਤੀਆਂ ਜਾਂਦੀਆਂ ਹਨ। ਪ੍ਰੀਟੀ ਨੇ ਇਸ ਸ਼ੋਅ ਦਾ ਬਹੁਤ ਹੀ ਸ਼ਾਨਦਾਰ ਸੈੱਟ ਤਿਆਰ ਕੀਤਾ ਹੈ ਜੋ ਦਰਸ਼ਕਾਂ ਦੀਆਂ ਅੱਖਾਂ ਨੂੰ ਖ਼ੁਸ਼ੀ ਦਿੰਦਾ ਹੈ। ਸ਼ੋਅ ਵਿਚ ਕਮੇਡੀ ਦੀ ਮਿਲਾਵਟ ਨੇ ਇਸ ਨੂੰ ਹੋਰ ਵੀ ਰੌਚਕ ਅਤੇ ਦਿਲਕਸ਼ ਬਣਾ ਦਿੱਤਾ ਹੈ। ਹਾਸੇ-ਖੇੜੇ ਨਾਲ ਭਰਪੂਰ ਇਹ ਸ਼ੋਅ ਦਰਸ਼ਕਾਂ ਨੂੰ ਮਨੋਰੰਜਨ ਦੇ ਨਾਲ-ਨਾਲ ਪੰਜਾਬੀ ਵਿਰਸੇ ਨਾਲ ਵੀ ਜੋੜਦਾ ਹੈ।
ਪੰਜਾਬੀਅਤ ਦੀ ਅਸਲ ਦੂਤ
ਪ੍ਰੀਟੀ ਢਿੱਲੋਂ ਦੀ ਕਹਾਣੀ ਉਨ੍ਹਾਂ ਸਾਰੇ ਪ੍ਰਵਾਸੀ ਪੰਜਾਬੀਆਂ ਲਈ ਪ੍ਰੇਰਨਾ ਦਾ ਸਰੋਤ ਹੈ ਜੋ ਵਿਦੇਸ਼ਾਂ ਵਿਚ ਰਹਿੰਦੇ ਹੋਏ ਵੀ ਆਪਣੀ ਮਾਂ-ਬੋਲੀ ਅਤੇ ਸਭਿਆਚਾਰ ਨਾਲ ਮੋਹ ਰੱਖਦੇ ਹਨ। ਕੈਨੇਡਾ ਵਿਚ ਜੰਮ ਕੇ, ਪੱਛਮੀ ਸੱਭਿਅਤਾ ਵਿਚ ਵੱਡੇ ਹੋ ਕੇ ਵੀ ਉਸ ਨੇ ਪੰਜਾਬੀ ਸਭਿਆਚਾਰ ਦੀ ਰੂਹ ਨੂੰ ਆਪਣੇ ਅੰਦਰ ਜ਼ਿੰਦਾ ਰੱਖਿਆ। ਇਹ ਕੋਈ ਛੋਟੀ ਗੱਲ ਨਹੀਂ।
ਪੰਜਾਬ ਵਿਚ ਆ ਕੇ ਇੱਕ ਲਾਈਵ ਸ਼ੋਅ ਰਾਹੀਂ ਕਲਾਕਾਰਾਂ ਨੂੰ ਇੱਕ ਮੰਚ ਦੇਣਾ, ਪੰਜਾਬੀ ਫਿਲਮ ਜਗਤ ਨੂੰ ਹੁਲਾਰਾ ਦੇਣਾ ਅਤੇ ਦਰਸ਼ਕਾਂ ਨੂੰ ਮਨੋਰੰਜਨ ਦੇ ਨਾਲ-ਨਾਲ ਸਭਿਆਚਾਰਕ ਜਾਣਕਾਰੀ ਦੇਣਾ — ਇਹ ਸਭ ਕੁਝ ਦੱਸਦਾ ਹੈ ਕਿ ਪ੍ਰੀਟੀ ਢਿੱਲੋਂ ਦਾ ਦਿਲ ਕਿੱਥੇ ਵੱਸਦਾ ਹੈ। ਉਹ ਸੱਚਮੁੱਚ ਪੰਜਾਬੀਅਤ ਦੀ ਇੱਕ ਸੱਚੀ ਦੂਤ ਹੈ।
ਭਵਿੱਖ ਦੀਆਂ ਉਮੀਦਾਂ
‘ਦੋ ਪਲ ਵਿਦ ਪ੍ਰੀਟੀ’ ਸ਼ੋਅ ਭਵਿੱਖ ਵਿਚ ਵੱਡੀਆਂ ਬੁਲੰਦੀਆਂ ਛੂਹੇਗਾ, ਇਸ ਵਿਚ ਕੋਈ ਸ਼ੱਕ ਨਹੀਂ। ਪ੍ਰੀਟੀ ਢਿੱਲੋਂ ਦੀ ਮਿਹਨਤ, ਲਗਨ ਅਤੇ ਪੰਜਾਬੀ ਸਭਿਆਚਾਰ ਪ੍ਰਤੀ ਅਥਾਹ ਪਿਆਰ ਇਸ ਸ਼ੋਅ ਨੂੰ ਦਿਨੋ-ਦਿਨ ਨਵੀਆਂ ਉਚਾਈਆਂ ਉੱਤੇ ਲੈ ਜਾਵੇਗਾ।
ਉਹ ਸਿੱਧ ਕਰ ਰਹੀ ਹੈ ਕਿ ਜੇਕਰ ਮਨ ਵਿਚ ਸੱਚੀ ਲਗਨ ਹੋਵੇ ਤਾਂ ਸਮੁੰਦਰਾਂ ਦੀਆਂ ਦੂਰੀਆਂ ਵੀ ਮਾਂ-ਧਰਤੀ ਦੇ ਪਿਆਰ ਨੂੰ ਨਹੀਂ ਰੋਕ ਸਕਦੀਆਂ।
ਸੱਚਮੁੱਚ, ਪ੍ਰੀਟੀ ਢਿੱਲੋਂ ਨਾ ਕੇਵਲ ਇੱਕ ਮਾਡਲ ਜਾਂ ਸ਼ੋਅ ਹੋਸਟ ਹੈ, ਬਲਕਿ ਉਹ ਪੰਜਾਬੀ ਕੌਮ ਦੀ ਉਸ ਭਾਵਨਾ ਦਾ ਪ੍ਰਤੀਕ ਹੈ ਜੋ ਕਹਿੰਦੀ ਹੈ —
“ਜਿੱਥੇ ਵੀ ਰਹੀਏ, ਪੰਜਾਬੀ ਰਹੀਏ।”
ਬਲਵਿੰਦਰ ਬਾਲਮ ਗੁਰਦਾਸਪੁਰ
ਐਡਮਿੰਟਨ
ਕਨੇਡਾ
9815625409